Stor pågang hos karrieresentera

I tillegg kjem fleire tusen som deltok på i alt 720 grupperettleiingar og kurs. Dette er ein auke på over 30 prosent frå året før. 3 av 4 kurs hadde 11 eller fleire deltakarar. Dette viser rapporten om aktiviteten til dei 38 karrieresentera i landet i 2016.

- Kompetanse Noreg jobbar for at innbyggjarane i heile landet skal få eit likeverdig tilbod om karriererettleiing, både i form av individuell rettleiing og digitale tenester, seier Cathinca F. Hatlem, leiar av Nasjonal eining for karriererettleiing, Kompetanse Noreg.

Førebudde på omstilling

I tillegg til rettleiinga er sentera viktige som regionale ressursmiljø, og gir kompetansestøtte til NAV-kontor, grunnopplæringa, høgskular og universitet og bedrifter i fylket.

- Auka tilgang til karriererettleiing er viktig for å møte framtidas krav om omstilling og kompetanseutvikling, seier Hatlem.

Betre rettleiing

Karrieresentera bidrar til betre kvalitet på dei karriererettleiingstenestene som vert gitte i fylka. Sentera tilbyr kurs for tilsette i vaksenopplæringa, flyktningtenesta, oppfølgingstenesta, attføringsbedrifter og fagskular. Tema for desse kursa er rettleiingsmetodikk, bruk av refleksjonsverktøy og nettressursar om utdanning og arbeidsmarknad, etikk og faget utdanningsval. Karrieresentera kan få ei sentral rolle i dei nye regionane landet rundt.

Treng større kapasitet

Kompetanse Noreg arbeider for at den vaksne befolkninga over heile landet skal få tilgang til karriererettleiing. Med Finnmark på plass i 2016, og Hedmark og Oslo på trappene, er eit landsdekkjande nettverk av karrieresenter endeleg innan rekkjevidde.

Vi veit frå tidlegare undersøkingar at 1 av 4 vaksne seier dei har behov for karriererettleiing.

- Dagens tilbod dekkjer ikkje dette behovet. No må vi syte for at sentera får større kapasitet til å møte fleire av dei som treng karriererettleiing, seier Hatlem.