Filmdistributør får åtvaring frå Medietilsynet for feil aldersgrense
Medietilsynet meiner at kinofilmen «Døde menn går på ski» hadde for låg aldersgrense og gir distributøren ei åtvaring. Grensa er no endra frå 12 til 15 år.
Medietilsynet vurderte filmen etter førespurnad frå publikum om aldersgrensa, og konkluderte med brot på retningslinjene.
– Medietilsynet vurderer at 12-årsgrense på denne filmen er eit klart brot på retningslinjene for aldersklassifisering. Vi meiner distributøren har handla aktlaust i dette tilfellet og gir derfor ei åtvaring, seier Hanne Sekkelsten, direktør for juridisk og regulatorisk avdeling i Medietilsynet.
Distributøren endra aldersgrensa etter varsel
Filmen «Døde menn går på ski» er ein kriminalkomedie med innslag av scener vi kjenner frå valdelege filmsjangrar som “slasher” og “gore”. Filmen er basert på Knut Nærums bok med same tittel. Ein milliardær inviterer ein gjeng til ei heimsøkt hytte for å feire påske. På hytta begynner ein detektivleik som utartar på umogleg vis. Saman prøver dei å løyse fleire mordmysterium og korleis dei heng saman.
Sjølv om filmen har ei komisk ramme, vurderer Medietilsynet at filmen kan vere skremmande for 12-åringa på grunn av mengda blodige scener og verkemidla som blir brukte ved skildringar av lik og drapshandlingar. Dette blir vurdert som for sterkt og nærgåande for ei aldersgrense på 12 år.
Etter at Medietilsynet sende eit varsel til distributøren, valde distributøren raskt å endre aldersgrensa til 15 år.
Få brot på regelverket
Frå i fjor overtok distributørane sjølv ansvaret for å sette aldersgrenser på kinofilmar. Men Medietilsynet kontrollerer at ordninga fungerer slik ho skal.
– Så langt har vi hatt få brot på retningslinjene. Dette tyder på at distributørane jamt over handterer oppgåva med aldersklassifisering av kinofilm på ein god måte, seier Sekkelsten.
Medietilsynet følger jamleg med på kinofilmtilbodet og vurderer heile tida kva filmar som skal takast inn til vurdering for tilsyn. Dersom kinofilmdistributørane er usikre på kva aldersgrense dei skal sette, kan dei få hjelp frå Medietilsynet.
Nøkkelord
Kontakter
Bengt-Eigil RuudkommunikasjonsrådgiverKommunikasjon og rådgivning
Tel:+4790667828bengt-eigil.ruud@medietilsynet.noHanne Nistad Sekkelstendirektør for juridisk og regulatorisk avdeling
Tel:48076123hanne.sekkelsten@medietilsynet.noOm Medietilsynet
Medietilsynet skal bidra til å realisere statens mediepolitiske mål. Våre hovedoppgaver er å fremme demokrati og ytringsfrihet gjennom mediemangfold og kritisk medieforståelse. Vi veileder barn og unge i bruk av digitale medier, fører tilsyn med aldersgrenser for film, forvalter støtteordninger, fordeler pressestøtte og fører tilsyn med kringkasting. Tilsynet er underlagt Kultur- og likestillingsdepartementet.
Følg pressemeldinger fra Medietilsynet
Registrer deg med din e-postadresse under for å få de nyeste sakene fra Medietilsynet på e-post fortløpende. Du kan melde deg av når som helst.
Siste pressemeldinger fra Medietilsynet
NRK får gebyr etter brudd på sponseregler29.4.2024 06:50:00 CEST | Pressemelding
NRK får et gebyr på 150 000 kroner fra Medietilsynet etter to brudd på sponsereglene. Regelbruddene skjedde i forbindelse med en dokumentar og en konsert som ble sendt på tv i desember.
Færre brudd på reklamereglene hos norske tv-kanaler16.4.2024 06:50:00 CEST | Pressemelding
Norske tv-kanaler er blitt flinkere til å følge reklameregler. Det viser Medietilsynets store vårkontroll med TV 2, NRK, TVNorge og VGTV.
16 nye aviser søker om produksjonstilskudd15.4.2024 06:50:00 CEST | Pressemelding
174 aviser har i år søkt om produksjonstilskudd til nyhets- og aktualitetsmedier. Blant de nye søkerne er det både lokalaviser og aviser med hele landet som nedslagsfelt.
Medietilsynet: Nødvendig med en strategi mot desinformasjon8.4.2024 13:14:18 CEST | Pressemelding
Kunstig skapt innhold, økt politisk konflikt og rask spredning av desinformasjon i sosiale medier aktualiserer behovet for en strategi mot desinformasjon, mener direktør Mari Velsand i Medietilsynet. I helgen varslet regjeringen at det skal utvikles en slik strategi.
Forbod mot reklame i radio og tv i påska21.3.2024 06:50:00 CET | Pressemelding
Radio- og tv-kanalane har ikkje lov til å sende vanleg reklame langfredag og 1. påskedag. Mange av kringkastarane vel å gi bort reklameplassen til ideelle organisasjonar denne dagen.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom