Kanadalaš fápmobuktu geasi Riddu Riđđui
The Trade-Offs fra Nunavut og Jeremy Dutcher Nuorta-Kanadas leat gergosat dán jagáš Riddu Riđđui! Šaddá soul, blues, rocka ja jazz dáinna kanadalaš fápmobuktagiin Riddu-lávddis suoidnemánus.
The Trade-Offs buktá árktalaš soul ja blues universála fáttáiguin nugo čuovggas, seavdnjadasas, lagasvuođas ja isolašuvnnas, ja teavsttaineaset atnet seaguhusa inukittutas ja eŋgelasgielas. The Trade Offs lea dávjá oaidnimis lávddiin miehtá Kanada, ja lea maiddái dahkan sukseassa olgoriikkas, maŋemus Reykjavikas Iceland Airwaves festiválas 2023:s.
Njunušolmmái Josh Qaumariaqsas ii leat dušše čiekŋalis ja roagga jietna, son lea njuolgut veaháš dakkáraš gitárasáŋgár. Su álbmás jietna ja virtuosa gitáračuojaheapmi suddá ovttas Jeff Maurice silolaš jietnaduovdagiin stuorát ovttadahkan, ja dása ožžot gal Riddu-guossit roahkka illudit. Lehket gergosat ráhkásmuvvat Nunavuta árktalaš soulii!
Bálkkašumiid vuoiti kanadalaš šuokŋadahkki Jeremy Dutcher máhccá maiddái Riddu-guolbanii 2024:s maŋŋel go vuohččan lei festivála lávdde nalde 2019:s. Ja min festiválaguossit sáhttet illudit fámolaš vásáhussii.
Jeremy Dutcher lea tenora, šuokŋadahkki, aktivista, etnomusihkkologa ja Neqotkuk (Tobique First Nation) lahttu Nuorta-Kanadas eret. Son atná árjjalaččat First Nation-ruohttasiiddis musihkastis, ja lea ráhkadan musihkalaš hámi mii njuolgut lea oalle sierralunddot.
Dat lea seaguhus neo-klassihkalaš, jazz- ja popmusihkas. Dutchera eahpitkeahtes attáldat ja sierralunddot musihkkahápmi lea earet eará čuoččáldahttán ovttasbargguid ikonalaš artisttaiguin nugo Yo-Yo Main ja Beverly Glenn Copelandiin.
Oaččui riikkaidgaskasaš dohkkeheami Wolastoqiyik Lintuwakonawá (2018) álbuma ovddas, vuittii Polaris Music Prize 2018:s ja «Indigenous Music Album of the Year» JUNO Awardsiin 2019:s. Dutcher galleda dávjá máilmmi stuorámus konseartalanjaid ja son lea maiddái leamaš mielde National Public Radio konseartaráiddus, Tiny Desk, ja leamaš oassin Canada's Drag Race duopmárjoavkkus.
Riddu Riđđu lea hui movttet ovdandivvut The Trade-Offs ja Jeremy Dutchera dán jagi festiválii, ja Riddu Riđđu festiválajođiheaddji Sajje Solbakk mielas lea oavdu beassat muitalit geat bohtet:
- Go The Trade-Offs loaiddastit Riddu Lávdái de ii leat eará go návddašit. Dušše joavkku njunušolbmá Josh Qaumariaqsa nanu jiena ja gaskkustanattáldaga dihte gánnáha vásihit dán, ja ovttas olles joavkkuin lea láhččon albma nunavutalaš fápmočájeheapmái! Dutcher buktá miellagiddevaš dáiddalaš univearssa fámolaš vokálain, mas Wolastoq First Nation-ruohttasat ovdanbohtet sihke šuoŋas ja sániin. Lávkkastis lea sus fárus áibbas varas álbuma – ii leat eará go illudit geasi konsertii!
Kontakter
Sajje SolbakkFestivalsjefRiddu Riđđu festivála
Tel:46950573Om oss
Riddu Riđđu Festivàla er en internasjonal urfolksfestival, som årlig finner sted i Kåfjord kommune i Nord-Troms. Festivalen er utendørs, og har programtilbud for hele familien. Programmet inneholder verdensomspennende urfolksmusikk, kunst, teater og dans, ungdomsleirer med kunstneriske og politiske workshops, barnefestival, dagsaktuelle seminarer, omfattende kursprogram, film og litteratur.
Følg pressemeldinger fra Riddu Riđđu Festivála
Registrer deg med din e-postadresse under for å få de nyeste sakene fra Riddu Riđđu Festivála på e-post fortløpende. Du kan melde deg av når som helst.
Siste pressemeldinger fra Riddu Riđđu Festivála
Oaguhuvvon ruošša joavku gárvvis Riddu Riđđui16.5.2024 06:50:00 CEST | Pressemelding
Pussy Riot lea okta dain stuorámus artistaođđasiin dán jagi Riddu Riđus. - Pussy Riot lea ráhkadan stoarpma miehtá máilmmi, lohká festiválajođiheaddji Sajje Solbakk gii lea erenoamáš duhtavaš go joavku boahtá festiválii.
Forfulgt russisk band klar for Riddu Riđđu16.5.2024 06:47:43 CEST | Pressemelding
Pussy Riot er en av årets store artistslipper på Riddu Riđđu. Med sin eksplosive punkrock farget av aktivisme, protest og feminisme skal gruppa for første gang entre scenen på Riddusletta.
Politihkalaš deaddu dán jagáš Riddu Riđđu plakáhtas10.5.2024 11:30:00 CEST | Pressemelding
Beakkán sámi dáiddár Máret Ánne Sara lea ráhkadan dán jagáš Riddu Riđđu festiválaplakáhta. Plakáhta layout lea govvideaddji Kine Kjær dáhkan, guhte maiddái ráhkadii Riddu Riđđu festiválaplakáhta 2022is.
Politisk sprengkraft preger årets Riddu Riđđu festivalplakat10.5.2024 11:30:00 CEST | Pressemelding
Årets festivalplakat for Riddu Riđđu er laget av den samiske kunstneren Máret Ánne Sara. Layout på plakaten er utført av illustratør Kine Kjær, som også lagde festivalplakaten til Riddu Riđđu i 2022.
Burjáhtialaš ja mongolalaš ambient-popa Riddu Riđđui!30.4.2024 07:00:00 CEST | Pressemelding
Dan rájes go álge 2003:s lea Namgar darvehan guldaleddjiid miehtá máilmmi árbevirolaš burjáhtialaš ja mongolalaš musihkain seaguhuvvon seamma mađe pop -, jazz- ja ambient-oaiváduvvon jietnagovain. Namgaras lea áibbas čielga fuolkevuohta joavkkuide nugo Bel Cantoi ja Dead Can Dancei, muhto bisuha goitge nannosit iežas erenoamáš hámi. Mii leat mearehis ilus go beassat Namgara ustibiiddámet sávvat bures boahtima fas Olmmáivággái!
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom