Skeive i Noreg er mykje meir utsette for vald og hatytringar enn heterofile
Skeive i Noreg er mykje meir utsette for vald, seksuell vald, hatkriminalitet og hatefulle ytringar enn heterofile nordmenn. Det viser Nasjonal tryggleiksundersøking.
Våren 2023 blei over 25 000 nordmenn spurde om dei hadde vore utsette for lovbrot førre år. Det vil seie handlingar eller hendingar som tjuveri, vald, hatkriminalitet, seksuelle overgrep, digital kriminalitet og anna som er regulert gjennom straffelova.
Dei er også spurde om kor uroleg dei er for å bli utsett for noko kriminelt, og kor stor tillit dei har til mellom anna politi og rettsvesenet.
I rapporten som viser resultata frå Nasjonal tryggleiksundersøking 2022, er det også gjord særlege analysar av kor utsett skeive personar er.
Skeive meir utsett
Medan omtrent éin av tre heterofile personar blei utsette for lovbrot i 2022, fortel halvparten av deltakarane som identifiserer seg som heterofile, lesbiske eller bifile (LHB-personar) at dei blei utsette for eit lovbrot i løpet av fjoråret.
– LHB-personar er særleg meir utsette for lovbrot som vald og seksuell vald, fortel NOVA-forskar Mette Løvgren, som leier arbeidet med undersøkinga.
Heile 22 prosent av LHB-personane i undersøkinga fortel at dei har opplevd minst éi valdshending i 2022. Det er meir enn dobbelt så mange som blant heterofile, der 10 prosent blei utsette.
Skilnaden er endå større for seksuell vald, som rommar alt frå seksuelt krenkjande åtferd og uønskt seksuell berøring til valdtekt. Éin av fire LHB-personar blei utsette for dette, mot 6 prosent blant heterofile nordmenn.
Meir bekymra
– LHB-personar er meir bekymra enn heterofile for å oppleve lovbrot, understrekar Løvgren.
– Bekymringa gjeld ikkje alle lovbrot, men lovbrot som dei som gruppe er meir utsette for, som vald, seksuell vald, diskriminering, hatkriminalitet og hatefulle ytringar.
– Mange LHB-personar kjenner nok til at seksuelle minoritetar er meir utsette for lovbrot, og er naturleg nok urolege for å bli utsette, seier Løvgren.
– Denne bekymringa, men særleg det faktumet at så mange fleire er utsette, må styresmakter og politiet vere merksame på.
Løvgren påpeikar også at LHB-personar har mindre tillit til andre enn det heterofile har.
– Her kan vi alle bidra, som kollegaer, vener og medmenneske, og hjelpe til slik at alle kan oppleve trygge situasjonar.
Kva meiner vi med seksuell vald?
Nasjonal tryggleiksundersøking spør om tre hovudkategoriar av seksuell vald. Seksuell omgang er samleie, analsex og onanering, seksuell handling er berøring av kjønnsorgan og anna seksualisert berøring, og seksuell åtferd er nakenskap og rørsler, mot eins vilje eller i ein situasjon der ein ikkje kan samtykkje.
Last ned rapporten og les meir
Nøkkelord
Kontakter
Mette Løvgrenforsker
Mette Løvgren er forsker ved forskningsinstituttet NOVA, Høgskolen i Oslo og Akershus. Foto: StudioVest/NOVA
Lenker
Følg pressemeldinger fra OsloMet
Registrer deg med din e-postadresse under for å få de nyeste sakene fra OsloMet på e-post fortløpende. Du kan melde deg av når som helst.
Siste pressemeldinger fra OsloMet
Flere vil bli sykepleiere – og stadig flere er menn26.4.2024 09:30:00 CEST | Pressemelding
Antall mannlige søkere øker med nesten femti prosent på sykepleierutdanningen i Oslo, viser årets søkertall for OsloMet.
Ny studie: Å jobbe i barnevernet påvirker den psykiske helsen22.4.2024 13:16:34 CEST | Pressemelding
49,5 prosent av ansatte i barnevernet opplevde emosjonelt stress på et nivå som indikerte at de kunne ha behov for profesjonell hjelp.
Fra frykt for "svenske tilstander" til utdanning for flerkulturelle unge15.4.2024 15:54:06 CEST | Pressemelding
26 april 2024, fredag inviterer OsloMet til et seminar der blant annet flerkulturelle unge snakker om utfordringer med å søke seg til høyere utdanning.
Ny studie: Foreldre som blir fratatt sine barn blir sosialt avvist og ekskludert8.4.2024 10:00:00 CEST | Pressemelding
Undersøkelsen viser også at foreldrenes reaksjoner etter en omsorgsovertagelse må bli forstått som sorg og ikke egenskapsforklares som mangler ved foreldrene.
Hvorfor skal universitetene samarbeide med arbeidslivet?11.3.2024 13:02:17 CET | Pressemelding
Hvordan kan samfunn og forskning lære av hverandre? Velkommen til seminar om erfaringene fra samarbeidet mellom OsloMet og Bydel Søndre Nordstrand.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom