Strandryddinga er i gang

Administrasjonen i Fiskebåt starta sjølv strandryddeveka med å rydde Røssviksanden, som er ei strand på Vigra utafor Ålesund. Men enno er det mange stader som ventar på å bli rydda.

- Det er difor svært gledeleg at fleire lag og organisasjonar langs heile kysten har lyst til å vere med å hjelpe oss i dette viktige arbeidet. Men vi oppmodar også bedrifter til å gjere ein innsats. Set ein av ein liten ettermiddag, er det utruleg kor mykje søppel som kan samlast inn, seier  informasjonsleiar i Fiskebåt, Odd Kristian Dahle.

Det har vore stor interesse for å støtte opp om aksjonen. I utgangspunktet var planen å støtte 10 lag og organisasjonar langs kysten.

- Vi måtte auke både deltakartalet og pengesummen, for det var så mange gode prosjekt som vi ikkje kan la vere å gi støtte til. Dette er eit samarbeid mellom oss i Fiskebåt og Norges Råfisklag. Begge organisasjonane ser på dette som ei svært viktig sak å støtte opp om, seier Dahle.

Skal leve av havet
Fiskebåt er en interesseorganisasjon for den havgåande fiskeflåten, og omfattar rundt 200 fiskefartøy. Fiskebåt er opptatt av å drive ei bærekraftig hausting av fiskeressursane. Det er livet i havet vi skal leve av framover. Difor er det viktig å støtte tiltak som kan redusere søppelet i havet.

- Vi er opptatt av å drive ei berekraftig hausting av fiskeressursane. Det er livet i havet vi skal leve av framover. Derfor er det viktig å støtte opp om tiltak som kan redusere søppelet i havet, seier Dahle.

Marin forsøpling truar dyrelivet i havet. Plast og anna syntetisk materiale tar svært lang tid å bryte ned, og kan difor vere til stor skade for både fisk, fuglar og andre dyr som lever ved og i havet.

Bildetekst: Her er noko av det søppelet som administrasjonen i Fiskebåt samla i løpet av ei ettermiddagsøkt. Frå venstre; Monica Nelvik, Ragnhild Røssevold, Beate Nørvåg, Jan Ivar Maråk, Paul Gustav Remøy og Odd Kristian Dahle.

 

 

Desse er med på støtteordninga, og får kr. 5000,- for å vere med å rydde;

 

Namn på organisasjon	Kommune
Valder fotball G13	Giske
DNT Nordhordaland	Lindås
Aksla fotball J05	Ålesund
Salvøy velforening	Karmøy
Brensholmen/Sommarøy utviklingslag	Tromsø
Vadsø atletklubb	Vadsø
Larsgården speidargruppe	Ålesund
Vidar Ungdomslag	Askvoll
Emblem fotball	Ålesund
Lepsøy fjelltrimgruppe	Haram
Kalvåg bydelag	Bremanger
Bodø speidargruppe	Bodø
Plastfritt Giske	Giske
Lunheim skole	Tromsø
Herøy vidaregåande skule	Herøy
Fjørtoft Turn og Idrettslag	Haram
Stordammen skole	Asker

Ta kontakt med oss, eller direkte til organisasjonen for å høyre når dei har planar om å rydde.