Samferdselsdepartementet

RNB 2018: Løyver 342 millionar kroner meir til kjøp av posttenester for innbyggarane

Del

- Den digitale revolusjonen gjer at brevvolumet fell raskt og at ein større del av den leveringspliktige postomdelinga til Posten blir ulønsam. Dermed aukar behovet for løyvingar frå staten for å kunne føre vidare Posten si omdeling av post til folk og næringsliv over heile landet fem dagar i veka i 2018, seier samferdselsminister Ketil Solvik-Olsen.

Regjeringa foreslår å auke løyvinga til kjøp av post- og banktenester i 2018 med 342 millionar kroner, til 603,7 millionar kroner.  Samanlikna med tidlegare er ein vesentleg større del av den leveringspliktige postomdelinga til Posten Norge AS ulønsam. Dette viser utrekningar som Posten har gjennomført og ei ekstern utgreiing utført på oppdrag frå Samferdselsdepartementet.

Grunnen er digitaliseringa, som har ført til at brevvolumet har falle med om lag 60 prosent sidan år 2000. Dette gir Posten ein stor inntektsnedgang, medan kostnadene for det landsdekkjande distribusjonsnettet med bilar og personell i stor grad ligg fast.

Høyringsrunde om endring i omdelingsfrekvens

Posten som leveringspliktig tilbydar er per i dag pålagd å omdele post fem dagar i veka over heile landet. Det er estimert ei ny halvering av brevvolumet fram mot 2025. Utan endringar i krava, vil derfor kostandane bli verande på eit høgt nivå, medan inntektene vil halde fram med å stupe. Fram mot 2025 anslår den eksterne utgreiinga at meirkostnadane til post- og banktenester for Posten vil auke til 988 millionar kroner årleg.

Regjeringa har hatt forslag til endringar i postloven på høyring, der ulike omdelingsfrekvensar blir drøfta. Det har kome inn over 200 høyringssvar. Samferdselsdepartementet er no i gang med å gjere ei grundig vurdering av innspela.

- Den digitale revolusjonen gjer at vi kommuniserer annleis. Medan posttenestene før leverte gode økonomiske resultat, så ser vi no ei utvikling med behov for stadig større statlege støttekjøp for å oppretthalde posttenestene. Då må vi finne eit servicenivå som dekkjer samfunnet sitt behov for posttenester, men utan at det går utover andre viktige samfunnsoppgåver. Eg er trygg på at Posten klarer ei slik omstilling, men det er viktig at vi held ved lag eit godt samarbeid med både kundar og tilsette, seier samferdselsministeren. 

Revidert nasjonalbudsjett

Nøkkelord

Kontakter

Lenker

Om Samferdselsdepartementet

Samferdselsdepartementet
Samferdselsdepartementet
Akersgata 59 (R5)
Oslo

22 24 90 90http://sd.dep.no

Samferdselsdepartementet har det overordnede ansvaret for rammevilkår for post- og televirksomheten, for luftfarts-, veg- og jernbanesektoren, for riksvegferjene, kystforvaltningen og havne- og sjøtransportpolitikken.

Følg saker fra Samferdselsdepartementet

Registrer deg med din epostadresse under for å få de nyeste sakene fra Samferdselsdepartementet på epost fortløpende. Du kan melde deg av når som helst.

Siste saker fra Samferdselsdepartementet

Transport21: Korleis skal vi løyse framtidas transportutfordringar18.2.2019 14:55:23Pressemelding

- Digitalisering og autonomi brukt på rett måte kan skape ein betre reisekvardag, effektivisere næringstransporten og hjelpe oss å nå andre viktige mål i transportpolitikken. Teknologi vil også vere avgjerande for å oppnå utslippskutt. Eg er difor glad for at vi gjennom Transport21 no samlar flinke og engasjerte folk som kan gje oss råd om korleis vi best kan innrette innsatsen for forsking og innovasjon i samferdselssektoren, seier samferdselsminister Jon Georg Dale.

Samferdselsministeren til Bergen, Arna og Voss 19. februar15.2.2019 14:48:57Presseinvitasjon

Samferdselsminister Jon Georg Dale reiser til Bergen tirsdag 19. februar der han vil holde et innlegg på Nasjonal rassikringskonferanse på Scandic Flesland Airport. Han reiser deretter til Arna der han vil få en orientering fra Statens vegvesen om prosjektet Arna-Voss før turen går videre til Vaksdal. På Vaksdal vil statsråden treffe representanter for Aksjonsgruppe E16 før han sitter på med en trailer på vei til Voss.

No blir det enklare å drive motorsport13.2.2019 12:59:02Pressemelding

– Motorsporten utviklar seg stadig, og engasjerer mange, både amatørar og profesjonelle. Eg ønsker å legge til rette for at fleire aktørar kan arrangere motorsportstemner, og at fleire skal kunne køyre lovleg i høg fart i trygge tilhøve på lukka baner. Difor foreslår vi no endringar i regelverket om motorsport. Dette vil bidra til at dei ulike motorsportmiljøa kan utvikle seg på ein positiv måte, seier samferdselsminister Jon Georg Dale.

I vårt presserom finner du alle våre siste saker, kontaktpersoner, bilder, dokumenter og annen relevant informasjon om oss.

Besøk vårt presserom