Fiskebåt

Reduserer torskekvota med 20 prosent

Del
Torskekvota i Barentshavet blir mindre neste år. Det internasjonale havforskingsinstituttet, ICES, tilrår ei totalkvote på 712 000 tonn, som er ein nedgang på 20 prosent.

Dei siste åra har det vore svært stor bestand av nordaustarktisk torsk, med påfølgande stor totalkvote. Gytebestanden hadde ein topp i 2014, men har sidan gått tilbake. Totalkvota for 2017 er på 890 000 tonn og blir redusert til 712 000 tonn for 2018.

- Det var venta at ICES ville tilrå reduksjon i torskekvota for neste år. Det har vore svært mykje torsk dei siste åra, men samtidig er det registrert mindre fisk i dei komande årsklassene. Vi må difor belage oss på at det kan bli reduksjonar i kvotane også framover. Sjølv med denne reduksjonen i kvoten er det ingen tvil om at det er bra med torsk i Barentshavet, seier Gjert Dingsør, ressursforskar i Fiskebåt.

Også for nordaustarktisk hyse tilrår forskarane at kvoten blir redusert med 13 prosent, som gir ei totalkvote på 202 305 tonn i 2018. ICES åtvara i fjor mot om at det var stor usikkerheit i estimata av gytebestanden, noko som også viser igjen i ei moderat nedskriving og utflating av toppen på gytebestanden.

For nordaustarktisk sei gir forskarane råd om å auke kvoten med 15 prosent.

- Gytebestanden hadde en førebels topp i 2016, og skal den aukast ytterlegare er det avhengig av innkomande årsklasser, som er vanskeleg å få målt, seier Dingsør.

For dei andre arktiske fiskeslaga er det mindre endringar.

Det er norske og russiske havforskarar som hentar inn grunnlagsdata som ligg til grunn for å kvoteråda.

Om Fiskebåt

Fiskebåt
Fiskebåt
Røysegata 15
6003 Ålesund

70 10 14 60http://www.fiskebat.no

Fiskebåt - havfiskeflåtens organisasjon, jobber for en miljøvennlig og lønnsom fiskeflåte, som leverer sunn mat fra bærekraftige bestander i verdens reneste havområder. 

Følg pressemeldinger fra Fiskebåt

Registrer deg med din e-postadresse under for å få de nyeste sakene fra Fiskebåt på e-post fortløpende. Du kan melde deg av når som helst.

Siste pressemeldinger fra Fiskebåt

I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.

Besøk vårt presserom
HiddenA line styled icon from Orion Icon Library.Eye