Presseinvitasjon: Næringsministeren til Hønefoss og Noresund

Denne veka legg nesten heile regjeringa ut på tur for å besøke fleire hundre småbedrifter. Målet er å få innspel til den nye strategien for små og mellomstore bedrifter.

 – Små og mellomstore bedrifter står samla sett for nesten halvparten av den årlige verdiskapinga i Noreg. Det utgjer nærmare 700 milliardar kroner, eller eit halvt statsbudsjett i året, seier næringsminister Torbjørn Røe Isaksen.

 – Det er desse bedriftene som er ryggrada i norsk næringsliv og som sikrar oss velferdsinntekter. Ambisjonen er at det skal bli endå enklare å starte, drive og vekse, seier Røe Isaksen.

Onsdag reiser næringsministeren og statssekretær Hannah Atic fyrst til Hønefoss, for å delta på eit innspelsmøte for små og mellomstore bedrifter. Vidare går turen til Noresund, kor dei skal vitje Ringnes Gård.

 Arrangementa er opne for pressa.

Program

 

10.00 – 11.30                         Innspelsmøte for små og mellomstore bedrifter på Scandic Hotel Hønefoss (Kongens gate 3, 3510 Hønefoss) 

12.30 – 13.15                         Bedriftsbesøk på Ringnes Gård (3536 Noresund)

Kontaktperson: Statssekretær Hannah Atic, tlf. 932 61 398