Planavklaringar for viktige prosjekt
Dei prosjekta Statens vegvesen kan starte opp utgreiing av er transportsystema rundt Ny by Bodø og rv. 658 mellom Ålesund og Vigra. Jernbanedirektoratets prosjekt er Kongsvingerbanen, Hovedbanen Nord og løysingar for betre mobildekning langs sporet over heile landet.
- Dette er viktige prosjekt som vi ønsker å greie ut. I samband med flyttinga av flyplassen i Bodø, får vi høve til å utvikle bustadar, butikkar og hamneområdet på ein smart måte. Vi kan tenke heilskapleg om transport og førsel til, frå og i dei ulike korridorane. Slik skapar vi effektive reisekvardagar for folk og næringsliv, seier samferdselsminister Jon Georg Dale.
Aktuelle tiltak for utgreiinga av transportsystema rundt Ny by Bodø ligg inn under statleg, fylkeskommunalt og kommunalt ansvarsområde. Samferdselsdepartementet har derfor bedt om at fylkesmannen, fylkeskommunen og kommunen blir invitert til å delta i styringsgruppa i KVUen.
Rv. 658 Ålesund-Vigra
- Dei siste åra har trafikken gjennom Ellingsøytunnelen og Valderøytunnelen økt monaleg. Tunnelane er allereie bland dei mest trafikkerte undersjøiske tunnelane i Noreg. Den auka trafikken betyr at det er behov for å sjå på tryggleika for dei som nyttar tunellane. Vi må sjå korleis vi held trafikktryggleiken like høg, sjølv om fleire nyttar vegen til og frå Vigra og Ålesund. Derfor er det behov for ein KVU på strekninga, seier Dale.
Jernbaneutgreiingar
- Regjeringa styrkar arbeidet for å løfte norsk jernbane til eit moderne velfungerande transportsystem. Jernbana er ein viktig del av kollektivtransporten som fraktar mange menneska til og frå jobb kvar dag. Derfor startar vi opp KVU på tre prosjekt i jernbanesektoren, seier samferdselsministeren.
Kongsvingerbanen har hatt god vekst dei siste åra, og ein vonar at det vil vere vekst òg i åra framover. Med dagens kapasitet på banen er det ikkje fysisk rom for ytterlegare betring av togtilbodet, sjølv om det er marknadsmessig etterspurnad etter fleire avgangar. Banens mangfaldige suksess gjer at kapasiteten er i ferd med å bli sprengd. Jernbanedirektoratet skal sjå på korleis Kongsvingerbanen kan utviklast for å løyse framtidas transportbehov enda betre.
Strekninga Lillestrøm – Eidsvoll på Hovedbanen har i lengre tid hatt manglande kapasitet og toga har vore lite punktlege. Det er ikkje mogleg å køyre fleire tog utan at infrastrukturen blir bygd ut. Ein forventar ein auke i busette og arbeidsplassar i regionen og i godstransporten på Hovedbanen i åra framover. Samla tilseier dette at kapasiteten må aukast for å betre punktlegheita, og å møte etterspørselen etter meir person- og godstrafikk på banen.
Togreisande forventar å ha god nettilgang. Med god nettdekning kan fleire jobbe eller få unnagjort andre gjeremål undervegs. Dagens og framtidas reise er samstundes meir og meir digital. Entur sin reiseplanleggar er eit godt døme på det. For å få god nettdekning må signala komme fram til toget. KVUen skal gi meir informasjon om kva for tiltak som er naudsynt for å sikre betre dekning langs sporet.
Unntak frå kravet om KVU og KS1
I tillegg har Samferdselsdepartementet gitt unntak frå kravet om KVU og kvalitetssikring (KS1) for fleire riksvegstrekningar. Dette er vanleg praksis når det til dømes berre vil vere aktuelt med utbetring i dagens trasé. På desse strekningane er det mogleg å starte rett på kommunedelplan. Det betyr ein raskare planprosess enn med KVU.
Følgande strekningar får unntak frå kravet om KVU/KS1:
- E39 Valsøya-Storøya
- Rv. 70 Oppdal-Kristiansund
- Rv. 7 Hønefoss-Gol
- E6 Otta-Dovrefjell
- E6 Mo i Rana
E6 Mo i Rana skal gjennom fleire planavklaringar. Om det på lengre sikt blir aktuelt å sjå på større tiltak på jernbane, vei og hamn i Mo i Rana, vil departementet vurdere på nytt om det er behov for ein KVU der ein ser de ulike transportforma i samanheng.
Bilder
Om Samferdselsdepartementet
Samferdselsdepartementet har det overordnede ansvaret for rammevilkår for postvirksomheten, for luftfarts-, vei- og jernbanesektoren og for riksveiferjene.
Følg pressemeldinger fra Samferdselsdepartementet
Registrer deg med din e-postadresse under for å få de nyeste sakene fra Samferdselsdepartementet på e-post fortløpende. Du kan melde deg av når som helst.
Siste pressemeldinger fra Samferdselsdepartementet
Fem forskningsprosjekter får penger fra Samferdselsdepartementet17.4.2024 12:10:41 CEST | Pressemelding
Av-ising av nullutslippfly og datadrevet salting av vei er to av teknologiprosjektene som nå får penger fra Samferdselsdepartementet. Det er Forskningsrådet som har utpekt de fem prosjektene, som får 40 millioner kroner.
Regjeringen med penger til Bodø og Ålesund16.4.2024 11:11:48 CEST | Pressemelding
– Regjeringen har satt av i 31 millioner kroner til mindre byer utenfor ordningen med byvekstavtaler. Dette er et løft for at Bodø og Ålesund skal bli grønnere byer med bedre fremkommelighet, sier samferdselsminister Jon-Ivar Nygård.
E134 Oslofjordforbindelsen byggetrinn 2: Eit steg nærare ny tunnel5.4.2024 12:00:16 CEST | Pressemelding
Regjeringa har lagt fram proposisjon for utbygging og finansiering av prosjektet E134 Oslofjordforbindelsen byggetrinn 2 i Akershus.
Rv. 13 Lovraeidet-Rødsliane: Eit viktig steg nærare realisering av tunnel i skredutsett område5.4.2024 11:59:27 CEST | Pressemelding
Regjeringa har lagt fram proposisjon om fastsetting av kostnadsramme for prosjektet rv. 13 Lovraeidet-Rødsliane.
Regjeringa legg fram proposisjon om delvis bompengefinansiering22.3.2024 14:04:38 CET | Pressemelding
- Denne bypakka skal realisere ny Risøy bru, fleire veg- og gateprosjekt, ei rekke gang- og sykkelvegar, saman med både tiltak for betre kollektivtilbod og trafikksikring. Vi legg opp til at minst halvparten av pengane i pakka skal gå til gonge, sykkel og kollektiv, som er i tråd med regjeringa sitt ønske om attraktive og klimavennlege byar, seier samferdselsminister Jon-Ivar Nygård.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom