Outsourcing av IKT: – Risiko for låg kvalitet og prosjekthavari

Ragnhild Lied er blant dei som i forkant åtvara mot den risikoen som førte til datalekkasjane frå Helse Sør-Øst, og som nyleg førte til ei nasjonal tryggleikskrise i Sverige.
– I Noreg har me sett korleis landet gradvis vert tappa for IKT-kompetanse og arbeidsplassar, og korleis det blir spelt hasard med tryggleiken, seier Lied til I Front.
Unio meiner det er på høg tid å byggje kompetansen heime, og får støtte av IKT-Norge og Nasjonal sikkerhetsmyndigheit.

Unio-leiaren sin kritikk mot IKT-outsourcing får støtte av ei rekkje fagfolk, organisasjonar og myndigheiter som I Front har snakka med.
– Kostnadsinnsparingane er ofte ikkje til stades, og risikoen for låg kvalitet og prosjekthavari aukar, meiner professor Magne Jørgensen ved Simula-senteret på Universitetet i Oslo. Han forskar på suksesskriteria for offentlege IT-prosjekt, og er medlem i Digitaliseringsrådet, statens eige hjelpeorgan for store offentlege IT-prosjekt.
Unio-leiar Ragnhild Lied meiner tida er inne for å lage ein nasjonal strategi for å unngå fleire store IKT-skandalar.
– Det ser ut til at både forskarar, fagmiljø og organisasjonar er samde om at IKT-tryggleiken ikkje toler for mykje utkontraktering. Då må staten kunne verte meir tydeleg på dette området. Me må òg kunne stille krav som gjeld IKT-tenester i store verksemder der staten har kontroll, seier Lied.


Heile artikkelen kan lesast her:
https://www.unio.no/no/i-front/nr-4---2017