Medietilsynet lyser ut innovasjonsstøtte for neste år: 20 millionar kroner til innovasjon i media
– Den auka støtta er eit viktig bidrag til arbeidet med å digitalisere og omstille drifta i ulike medieverksemder, seier Mari Velsand, direktør i Medietilsynet.
Innovasjonsstøtta skal styrke mediemangfaldet
Medietilsynet fordelte tidlegare i år ti millionar kroner til over 20 medieverksemder, som blant anna skal lage dronejournalistikk, dialektteneste, turistradio og utvikle og lage nye nettaviser. Etter at regjeringa foreslo å doble støtta i forslaget til statsbudsjettet for neste år, skal altså Medietilsynet fordele 20 millionar kroner i innovasjonsstøtte i 2020.
Målet med innovasjons- og utviklingsstøtta er å styrke mediemangfaldet og den opplyste offentlege samtalen ved å gjere det lettare for nyheits- og aktualitetsmedium å digitalisere og drive innovasjon. Ordninga skal særleg stimulere til redaksjonell, innhaldsretta innovasjon og utvikling i små, lokale nyheits- og aktualitetsmedium.
Ekstra støtte på grunn av postomlegginga
Mange aviser får utfordringar med distribusjonen når Posten legg om til postfordeling annakvar vekedag i staden for kvar vekedag som nå. For å hjelpe desse avisene med digitalisering og omstilling, har regjeringa foreslått å auke innovasjonsstøtta med ti millionar kroner neste år. Potten blir dermed dobla frå i år til 20 millionar kroner. Aviser som blir ramma av postomlegginga kan søke om midlar til å omstille og digitalisere dersom dei fyller dei generelle vilkåra for å få støtte. I fordelinga av midlar vil Medietilsynet prioritere:
• Lokale samarbeidstiltak som gjer at midlane kommer flest mogeleg til nytte
• Tiltak som gjer at avisene blir mindre avhengige av papir
• Prosjekt i aviser som har ein stor del av økonomien knytt til papirutgåver og der ein stor del av papiropplaget blir distribuert utanfor bustadtette område
Prosjekt for innvandrarar, språklege minoritetar og funksjonshemma blir prioriterte
Når Medietilsynet skal fordele innovasjonsstøtta for 2020 blir også søknader som rettar seg mot innvandrarar og språklege minoritetar, prioriterte. Det same vil prosjekt som er retta mot tenester for personar med funksjonsnedsettingar.
Alle prosjekt må fylle dei generelle vilkåra for innovasjonsstøtte. For å få støtte må mediet ha som hovudføremål å drive journalistisk produksjon og formidling av nyheiter, aktualitetsstoff og samfunnsdebatt til befolkninga frå ulike samfunnsområde. Mediet må ha ein ansvarleg redaktør i tråd med Redaktørplakaten. Støtte kan bli gitt til prosjekt som utviklar redaksjonelt innhald eller som utviklar eller implementerer nye løysingar for produksjon, publisering, spreiing eller konsum av redaksjonelt innhald. Fleire medium kan gå saman om å søke om midlar til fellesprosjekt. Støtte kan også bli gitt til forprosjekt.
Søknadsfrist er 20. januar.
Her finn du søknadsskjema og meir informasjon om innovasjonsstøtta
Fakta om innovasjonsstøtta
• Støtteordninga tredde i kraft 1. juli 2018 og blir forvalta av Medietilsynet
• Frist til å søke støtte for 2020 er 20. januar. Regjeringa har foreslått å fordele 20 millionar kroner i 2020, og pengane blir fordelte i éin tildelingsrunde
• Aviser som får utfordringar med distribusjonen på grunn av endringar i postlova med færre omdelingsdagar, kan få støtte til digitalisering og omstilling
• Prosjekt som rettar seg mot innvandrarar og språklege minoritetar, vil bli prioriterte
• Prosjekt som er retta mot tenester for personar med funksjonsnedsettingar, vil bli prioriterte
Nøkkelord
Kontakter
Nina BjerkeRådgiver, avdeling for kommunikasjon, rådgivning og analyse
Tel:41934154nina.bjerke@medietilsynet.noBilder
Om Medietilsynet
Medietilsynet skal bidra til å realisere statens mediepolitiske mål. Våre hovedoppgaver er å fremme demokrati og ytringsfrihet gjennom mediemangfold og kritisk medieforståelse. Vi veileder om barn og unges bruk av digitale medier, setter aldersgrenser for kinofilm, forvalter støtteordninger, behandler søknader om og fordeler pressestøtte og fører tilsyn med kringkasting. Tilsynet er underlagt Kulturdepartementet.
Følg pressemeldinger fra Medietilsynet
Registrer deg med din e-postadresse under for å få de nyeste sakene fra Medietilsynet på e-post fortløpende. Du kan melde deg av når som helst.
Siste pressemeldinger fra Medietilsynet
Forbod mot reklame i radio og tv i påska21.3.2024 06:50:00 CET | Pressemelding
Radio- og tv-kanalane har ikkje lov til å sende vanleg reklame langfredag og 1. påskedag. Mange av kringkastarane vel å gi bort reklameplassen til ideelle organisasjonar denne dagen.
Medietilsynet deler kunnskap om dataspill11.3.2024 06:50:00 CET | Pressemelding
Medietilsynet samler voksne som jobber med barn og ungdom til seminar om hvordan dataspill kan bli en mer inkluderende arena.
Medietilsynet ga seks advarsler for regelbrudd i fjor27.2.2024 12:33:04 CET | Pressemelding
Medietilsynet ga seks advarsler for brudd på regelverket i 2023. Fem av advarslene gjaldt brudd på reglene for reklame, sponsing og produktplassering.
Forordningen for digitale tjenester (DSA) håndheves i EU fra lørdag16.2.2024 09:51:49 CET | Pressemelding
Et nytt europeisk regelverk iverksettes nå for å sørge for mer demokratisk kontroll over sosiale medier og andre internett-tjenester. Fra 17. februar håndheves DSA i EU, mens det foreløpig ikke er avklart når regelverket blir en del av norsk lov.
Samiske aviser kan søke om over 42 millioner kroner15.2.2024 08:36:02 CET | Pressemelding
Medietilsynet åpner nå for årets søknader om støtte til samiske aviser og samiskspråklige avissider. I år skal det fordeles 42,7 millioner kroner.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom