Samferdselsdepartementet

Kvalitetssikringsrapport om logistikknutepunkt i Bergensregionen er klar

Del

- Dersom vi skal få meir gods over på bane, er det viktig med effektive godsterminalar med tilstrekkeleg kapasitet. Samstundes er det viktig at vi ikkje gjer større investeringar i terminalar enn det som er naudsynt. Vi har no fått ein ny rapport om logistikknutepunkt i Bergensregionen som går gjennom tilrådingane eg fekk frå Jernbaneverket i fjor. Eg vil no setje meg grundig inn i den nye rapporten, seier samferdselsminister Ketil Solvik Olsen.

På oppdrag frå Samferdselsdepartementet og Finansdepartementet har Dovre Group og Transportøkonomisk institutt (TØI) gjennomført ei ekstern kvalitetssikring (KS1) av konseptvalutgreiinga (KVU) for logistikknutepunkt i Bergensregionen som Jernbaneverket overleverte til samferdselsministeren i desember 2015.

Bakgrunnen for konseptvalutgreiinga var at godsterminalen på Nygårdstangen i dag ikkje har kapasitet til å møte den venta auken i godstransport på jernbane. Det blei òg peikt på at dagens terminal er sentralt plassert i Bergen, i eit område som er godt eigna for byutvikling.

Jernbaneverket: Ny terminal i Rådal eller på Unneland på lengre sikt
I konseptvalutgreiinga tilrådde Jernbaneverket eit delt konsept. Etaten gikk inn for at den vidare planlegginga bør ta utgangspunkt i at godsterminalar for sjøtransport og jernbanetransport i Bergensregionen heller ikkje i framtida skal vere samlokaliserte.     

Jernbaneverket tilrådde å vidareutvikle dagens godshamn på Dokken. Etaten konkluderte vidare med at ei modernisering av jernbanegodsterminalen på Nygårdstangen vil gjere det mogleg å bruke terminalen i 10-20 år framover, men at denne løysinga ikkje er eigna på endå lengre sikt. Jernbaneverket gjekk difor inn for at ein då bør byggje ein ny jernbaneterminal på utsida av sentrum som erstatning for Nygårdstangen.

Lokaliseringsalternativa Rådal og Unneland blei vurderte til å vere like godt eigna. Jernbaneverket tilrådde ei rask avklaring av lokalisering, mellom anna fordi aktørar innan transportnæringa som i dag vurderer flytting då kan etablere seg i nærområdet til den framtidige terminalen.

Ekstern kvalitetssikrar tilrår modernisering av Nygårdstangen  
Dovre Group og TØI og har òg kome fram til at vidare planlegging bør ta utgangspunkt i at godsterminalar for sjøtransport og jernbanetransport ikkje skal vere samlokaliserte i framtida. Dei to kvalitetetssikrarane meiner òg at modernisering av godsterminalen på Nygårdstangen er eit riktig val, og at dette vil gi tilstrekkeleg kapasitet heilt fram til rundt 2040.

Moderniseringsalternativet er det einaste med positiv netto nytte. Kvalitetssikringsrapporten tilrår difor at modernisering av terminalen på Nygårdstangen blir vald som jernbaneløysing, eventuelt supplert med ei avgjerd om lokalisering av ein ny terminal. Rådal og Dyngeland er vurderte som dei to beste lokaliseringsalternativa av TØI og Dovre Group. 

Vidare prosess
Både konseptvalutgreiinga frå Jernbaneverket og kvalitetssikringa frå Dovre Group ogTØI og blir ein del av eit breitt grunnlag når regjeringa skal ta stilling til den framtidige handteringa av gods på bane i Bergensregionen.

For fleire opplysningar – sjå:

Nøkkelord

Kontakter

Om Samferdselsdepartementet

Samferdselsdepartementet
Samferdselsdepartementet
Akersgata 59 (R5)
Oslo

22 24 90 90http://sd.dep.no

Samferdselsdepartementet har det overordnede ansvaret for rammevilkår for post- og televirksomheten, for luftfarts-, veg- og jernbanesektoren, for riksvegferjene, kystforvaltningen og havne- og sjøtransportpolitikken.

Følg saker fra Samferdselsdepartementet

Registrer deg med din epostadresse under for å få de nyeste sakene fra Samferdselsdepartementet på epost fortløpende. Du kan melde deg av når som helst.

Siste saker fra Samferdselsdepartementet

Fornying av førarkort for tungbil skal bli enklare15.12.2017 11:45Pressemelding

– Regjeringa vil skape ein enklare kvardag for folk flest og fjerne unødvendige forbod og påbod. I dag er det krav om ny praktisk prøve dersom førarkort for lastebil og buss ikkje er fornya innan eitt år etter at det er gått ut. Det opplever mange som veldig strengt. Desse reglane kan vi forenkle, og ein helseattest bør vere tilstrekkeleg for å få fornya førerkortet, seier samferdselsminister Ketil Solvik-Olsen.

Ber Statens vegvesen vurdere billigare utbygging av E6 gjennom Gudbrandsdalen15.12.2017 11:40Pressemelding

- Det er viktig å bygge ut nye motorvegstrekningar for betre framkome og styrking av trafikktryggleiken. Samstundes er vi opptatt av å få mest mogleg veg for pengane. Innspel frå Statens vegvesen og Nye Veier AS tidligare i år viste at det er mogleg å redusere kostnadane med så mykje som 30 prosent i utbygginga av E6 Ringebu-Otta. No ber vi Statens vegvesen om å vurdere desse innspela og kome med ei tilråding om vidare framdrift, seier samferdselsminister Ketil Solvik-Olsen.

Nå kutter staten bompengegjelden med 500 millioner kroner14.12.2017 10:50Pressemelding

- Regjeringen har som mål å redusere bompengeandelen i veisektoren. Andelen er allerede redusert fra toppnivået i 2012/13, og nå tas nye skritt. Det er klart for å utbetale det første årlige tilskuddet til reduserte bompengetakster utenfor byområdene. Med dette kuttes gjelden i rundt 30 bompengeprosjekt med til sammen 500 millioner kroner. Det gir rom for å redusere takster ved en rekke bompengepasseringer i tiden framover, sier samferdselsminister Ketil Solvik-Olsen.

Regjeringa opprettar nytt forum for norsk vegtransportnæring13.12.2017 16:30Pressemelding

- Det er eit klart mål å sikre konkurranseevna til norsk transportnæring. Det er viktig for å sikre investeringar og rekruttering. Vi har allereie i dag eit godt samarbeid med bransjen. No ønskjer vi å formalisere det med eit eige vegtransportforum Målet er å få ei fortløpande skildring av situasjonen i vegtransportmarknaden og å få vite kva slags utfordringar næringa og arbeidstakarane står overfor i det daglege, seier samferdselsminister Ketil Solvik-Olsen.

I vårt presserom finner du alle våre siste saker, kontaktpersoner, bilder, dokumenter og annen relevant informasjon om oss.

Besøk vårt presserom