Samferdselsdepartementet

Høyring: konkurranse om regionale ruteflygingar i Sør-Noreg frå 1. april 2020

Del

– Flytilbodet på kortbanenettet er eit viktig transporttilbod for distrikta i Noreg. I samband med ny konkurranse om ruteflygingar i Sør-Noreg ønsker vi derfor innspel frå dei som faktisk nyttar tilbodet i distrikta. I tillegg har vi innhenta faglege analyser og vurderingar frå ein ekstern part, som kan nyttast som grunnlag for korleis rutetilbodet skal utformast, seier samferdselsminister Ketil Solvik-Olsen.

Samferdselsdepartementet ber no om innspel i samband med arbeidet med ny konkurranse om drift av regionale ruteflygingar i Sør-Noreg frå 1. april 2020.

Høyringa, der involverte fylkeskommunar og andre relevante instansar kan kome med innspel til prosessen med statleg kjøp av flyruter, utgjer ein viktig del av avgjerdsgrunnlaget for Samferdselsdepartementet ved den komande konkurransen om drift av dei regionale flyrutene i Sør-Noreg.

Sjå høyringa her.

Ekstern utgreiing

Samferdselsdepartementet har òg bestilt ei ekstern utgreiing om det statlege kjøpet i Sør-Noreg frå 1. april 2020. Møreforskning Molde AS har i samarbeid med Transportøkonomisk institutt gjennomført utgreiinga som sikrar departementet eit solid fagleg grunnlag for det vidare arbeidet med kjøp av regionale flyruter i Sør-Noreg frå 1. april 2020.

I skildringa av oppdraget ba Samferdselsdepartementet om at følgjande punkt vart utgreia:

  • Tilstands-/situasjonsrapport
  • Trafikkprognose for perioden 2020-2024
  • Trafikkanalyse av reisebehov og prissensitivitet
  • Vurdering av grunnlag for kommersiell drift
  • Forslag til kva for flyruter staten bør kjøpe og kva krav som bør setjast til desse
  • Samfunnsøkonomisk nytte og kostnadar

Vurderingane i rapporten er gjorde av konsulenten og vil vere eit av fleire innspel som Samferdselsdepartementet vil vurdere før nye forpliktingar til offentleg tenesteyting (FOT) vert fastsatt. Rapporten vil inngå som ein del av høyringsgrunnlaget som høyringsinstansane vert bedde om å vurdere og kommentere i sine innspel. Høyringsfristen er sett til 28. mai 2018.

Les rapporten her.

Vidare prosess

Etter at høyringa er gjennomført vil Samferdselsdepartementet nytte høyringssvara og rapporten i det vidare arbeidet med å utforme nye FOT. Samferdselsdepartementet tar sikte på å lyse ut konkurransen slik at det vert om lag eit år mellom tildeling av kontraktar og oppstart av flygingar 1. april 2020.

Kontakter

Lenker

Om Samferdselsdepartementet

Samferdselsdepartementet
Samferdselsdepartementet
Akersgata 59 (R5)
Oslo

22 24 90 90http://sd.dep.no

Samferdselsdepartementet har det overordnede ansvaret for rammevilkår for post- og televirksomheten, for luftfarts-, veg- og jernbanesektoren, for riksvegferjene, kystforvaltningen og havne- og sjøtransportpolitikken.

Følg saker fra Samferdselsdepartementet

Registrer deg med din epostadresse under for å få de nyeste sakene fra Samferdselsdepartementet på epost fortløpende. Du kan melde deg av når som helst.

Siste saker fra Samferdselsdepartementet

Samferdselsminister Jon Georg Dale har fått sin habilitet vurdert19.9.2018 17:42Pressemelding

Samferdselsminister Jon Georg Dale bad kort tid etter at han blei utnemnd til samferdselsminister om å få sin habilitet vurdert knytt til behandling av visse saker innanfor elektronisk kommunikasjon og sjøtransporttenester. Bakgrunnen var relasjonane han har til Vidar Brein-Karlsen (Huawei Technologies Norway), Reynir Jóhannesson (Ice) og Arne Johan Dale (Havila Shipping). Lovavdelinga i Justis- og beredskapsdepartementet har no kome med sine vurderingar.

Samferdselsminister Dale til verdskongress om ny transportteknologi14.9.2018 12:43Pressemelding

– Heile verda ser til Norge når det er snakk om robuste og raske mobilnett, og elbil. Vi har særs gode føresetnader for å vere i tet i den transportrevolusjonen som no er i gang, og det er viktig at norsk industri tek del i utviklinga, seier samferdselsminister Jon Georg Dale. Han deltek tysdag 18. og onsdag 19. september på ITS World Congress i København der ny transportteknologi og digitalisering er tema.

Betre rutetilbod og store miljøgevinstar i ny kontrakt på ferjestrekninga Halsa-Kanestraum i Møre og Romsdal5.9.2018 12:39Pressemelding

- Regjeringa satsar på ei grøn framtida i norsk ferjedrift. Derfor stiller vi strenge miljøkrav i den nye kontrakten på ferjestrekninga Halsa-Kanestraum. I tillegg sørgjer vi for fleire avgangar, spesielt i helgane og på nattetid. Slik knyter vi regionane på kvar side av fjorden betre saman og sørgjer for ein enklare reisekvardag for folk flest, seier samferdselsminister Jon Georg Dale.

I vårt presserom finner du alle våre siste saker, kontaktpersoner, bilder, dokumenter og annen relevant informasjon om oss.

Besøk vårt presserom