Fleirtalet av befolkninga er nøgde med radiotilbodet i Noreg
Under to av ti er misnøgde med dagens radiotilbod totalt sett, ifølge undersøkinga. Når det gjeld innhaldet i radiosendingane er seks av ti nøgde, mens nesten sju av ti er nøgde med tal på kanalar. Det er første gong Medietilsynet spør kor nøgde befolkninga er med radiotilbodet i Noreg.
– Undersøkinga viser at dei fleste er nøgde med det totale radiotilbodet, innhaldet i radiosendingane og tal på tilgjengelege kanalar. Ein fjerdedel har inga bestemt meining om radiotilbodet, og to av ti er misnøgde. Dette er tal som kan vere viktig for radioaktørane når dei skal utvikle tilbodet sitt vidare. Medietilsynet vil også følge utviklinga framover, seier Mari Velsand direktør i Medietilsynet.
Noko misnøye med dekninga
Over halvparten av befolkninga er nøgde med dekninga, mens ein fjerdedel er misnøgde. Litt under to av ti er verken nøgde eller misnøgde med dekninga.
Det er Nasjonal kommunikasjonsmyndigheit (Nkom) som kontrollerer dekninga. Nkom berekna i 2016 at 99,7 prosent av befolkninga har DAB-dekning der dei bur. Sendarnetta har dei siste to – tre åra blitt ytterlegare bygde ut.
Undersøkinga viser også at over ni av ti radiolyttarar lyttar på radio digitalt, eitt år etter at dei riksdekkande kanalane i Noreg gjekk frå å sende på FM til digitale sendingar. Det er nesten ei dobling frå 2014. Tala gjeld for all radiolytting, det vil seie alle som lyttar til lokale, regionale og nasjonale radiokanalar.
Mengda DAB-radioar i bil og heim aukar framleis
For å lytte til radio kan du bruke DAB-radio, FM-radio, digital tv-mottakar, PC, smarttelefon, nettbrett og internettradio. Undersøkinga viser at tal på DAB-radioar aukar, både i bil og i heimen, mens tal på FM-radioar i bil og i heimen går ned.
I gjennomsnitt har kvar husstand litt over ti apparat til å lytte på radio, både digitalt og på FM. Det finst no omkring 3,6 millionar FM-radioar i Noreg, ein nedgang på 1,1 millionar apparat på eitt år. Til samanlikning finst det nesten seks millionar DAB-apparat i Noreg. Det er ein auke på nesten 350 000 apparat på eitt år.
Utgreier om lokalradioane skal fortsetje på FM
Medietilsynet utgreier no kvarvidt lokalradiostasjonar skal få høve til å fortsette å sende på FM-nettet etter 2021, og eventuelt på kva vilkår. Tilsynet skal levere tilrådinga si til Kulturdepartementet i mai.
Dette meiner befolkninga om radiotilbodet
Svært nøgd/ ganske nøgd |
Verken nøgd eller misnøgd | Svært misnøgd/ ganske misnøgd | Veit ikkje/ inga meining |
|
Det totale radiotilbodet | 55 % | 24 % | 17 % | 4 % |
Innhaldet på radio | 62 % | 26 % | 6 % | 6 % |
Mengda kanalar på radio | 67 % | 17 % | 6 % | 10 % |
Radiodekning / radiomottaket | 52 % | 18 % | 26 % | 5 % |
Digitalradioundersøkinga er gjennomførd av Kantar Media for Medietilsynet, NRK, P4-gruppa, Bauer Media Group og Norsk Radio. Undersøkinga har eit representativt utval på 1000 respondentar.
Nøkkelord
Kontakter
Nina BjerkeRådgiver, avdeling for kommunikasjon, rådgivning og analyse
Tel:41934154nina.bjerke@medietilsynet.noBilder
Om Medietilsynet
Medietilsynet skal bidra til å realisere statens mediepolitiske mål. Våre hovedoppgaver er å fremme demokrati og ytringsfrihet gjennom mediemangfold og kritisk medieforståelse. Vi veileder om barn og unges bruk av digitale medier, setter aldersgrenser for kinofilm, forvalter støtteordninger, behandler søknader om og fordeler pressestøtte og fører tilsyn med kringkasting. Tilsynet er underlagt Kulturdepartementet.
Følg pressemeldinger fra Medietilsynet
Registrer deg med din e-postadresse under for å få de nyeste sakene fra Medietilsynet på e-post fortløpende. Du kan melde deg av når som helst.
Siste pressemeldinger fra Medietilsynet
Færre brudd på reklamereglene hos norske tv-kanaler16.4.2024 06:50:00 CEST | Pressemelding
Norske tv-kanaler er blitt flinkere til å følge reklameregler. Det viser Medietilsynets store vårkontroll med TV 2, NRK, TVNorge og VGTV.
16 nye aviser søker om produksjonstilskudd15.4.2024 06:50:00 CEST | Pressemelding
174 aviser har i år søkt om produksjonstilskudd til nyhets- og aktualitetsmedier. Blant de nye søkerne er det både lokalaviser og aviser med hele landet som nedslagsfelt.
Filmdistributør får åtvaring frå Medietilsynet for feil aldersgrense12.4.2024 11:13:15 CEST | Pressemelding
Medietilsynet meiner at kinofilmen «Døde menn går på ski» hadde for låg aldersgrense og gir distributøren ei åtvaring. Grensa er no endra frå 12 til 15 år.
Medietilsynet: Nødvendig med en strategi mot desinformasjon8.4.2024 13:14:18 CEST | Pressemelding
Kunstig skapt innhold, økt politisk konflikt og rask spredning av desinformasjon i sosiale medier aktualiserer behovet for en strategi mot desinformasjon, mener direktør Mari Velsand i Medietilsynet. I helgen varslet regjeringen at det skal utvikles en slik strategi.
Forbod mot reklame i radio og tv i påska21.3.2024 06:50:00 CET | Pressemelding
Radio- og tv-kanalane har ikkje lov til å sende vanleg reklame langfredag og 1. påskedag. Mange av kringkastarane vel å gi bort reklameplassen til ideelle organisasjonar denne dagen.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom