Ein av tre har fått ny straummålar

- Dei nye smarte målarane gjer at nettselskap kan investere og drifte straumnettet meir effektivt, slik at straumrekninga vert så liten som muleg. Med dei nye målarane kan straumkundane bruke straum når kostnadane er lågast, og dei får betre oversikt over straumbruken sin, seier vassdrags- og energidirektør Per Sanderud.

Alle får ny målar innan 2019 

Alle straumkundar skal ha ny smart straummålar innan 2019. Nettselskapa sine prognosar for venta tidspunkt for gjennomført installasjon er noko forskyvd i tid, og NVE vil undersøke nærare kva som er årsakene til at framdrifta ikkje er like god som planlagd.

Nettselskapa meldar om at berre litt meir enn ein av hundre installasjonar ikkje er gjennomførd som planlagt. Dei viktigaste grunnane er at folk ikkje er heime, og at det ikkje er plass i sikringsskapet.

- Det er viktig at alle følgjar med på informasjon frå nettselskapa, slik at installasjonen av dei nye målarane kan gå så raskt og greitt som muleg, understrekar Sanderud.

NVE vil be nettselskapa om ny rapportering av framdrift i oktober.

Last NVE-rapport 65 - 2017 Smarte målare (AMS). Status og planar for installasjon per juni 2017".

Kontaktpersonar:

Seksjonssjef Guro Grøtterud, tlf 45632677

Seniorrådgjevar Arne Venjum, tlf 22959258