380 millionar kroner i mediestøtte i fjor
– Vi er glad for at mediestøttemeldinga nå blir lagd fram, og ser fram til gode diskusjonar om korleis mediestøtta på best mogleg vis kan bidra til å sikre mediemangfaldet framover, seier direktør Mari Velsand i Medietilsynet. Kulturminister Trine Skei Grande presenterer meldinga på landsmøtet til Landslaget for lokalaviser (LLA) i Drammen fredag.
Produksjonstilskott er den største ordninga
Mediestøtteordningane som Medietilsynet forvaltar er produksjonstilskott til nyheits- og aktualitetsmedium, tilskott til lokale radio- og tv-aktørar, innovasjonsstøtte, støtte til samiske aviser og distribusjonstilskott til avisene i Finnmark. Medietilsynet fordeler også støtte til medieforsking og etterutdanning.
Medietilsynet fordelte 313 millionar kroner i produksjonstilskott til 157 nyheits- og aktualitetsmedium i fjor. Aviser som får slikt tilskott er lokalaviser, vekeaviser og aviser som er alternativ til dei leiande dagsavisene, som for eksempel Klassekampen og Nationen. Produksjonstilskottet blei innført allereie i 1969 for å hindre at lokalavisene forsvann på same måte som i Danmark og Sverige. Målet er det same i dag; å stimulere til eit mangfald av medium. Tilskottet til den enkelte avisa blir berekna ved å sjå på tal på utgivingar, utgivingsfrekvens og opplagstal. Frå 2014 blei støtteordninga såkalla plattformuavhengig som betyr at både papir- og nettaviser kan få produksjonstilskott.
Frist for å søke produksjonstilskott i år er 5. april. Se meir informasjon her
Innovasjonsstøtte ble delt ut første gong i fjor
I fjor fordelte Medietilsynet midlar til innovasjon i media for første gong. Sju millionar kroner blei fordelte til 18 innovasjons- og utviklingsprosjekt etter at ordninga tredde i kraft 1. juli 2018. Målet med ordninga er å fremme mediemangfald og ein opplyst offentleg samtale gjennom å stimulere til redaksjonell, innhaldsretta innovasjon og utvikling i nyheits- og aktualitetsmedium.
Samiske aviser fekk 28,1 millionar kroner i støtte frå Medietilsynet i fjor. Støtta skal legge til rette for demokratisk debatt, meiningsdanning og språkutvikling i det samiske samfunnet. Det meste av tilskottet blei fordelt mellom avisene Ságat og Avvir.
Aviser i Finnmark fekk distribusjonstilskott på 2,1 millionar kroner i fjor. Støtta blir fastsett ut frå mengda av dokumenterte distribuerte eksemplar og blir gitt fordi topografi, spreidd busetnad og klima gjer avisdistribusjon utfordrande i Finnmark.
Støtte til lokalkringkasting og kommersiell allmennkringkastar
Medietilsynet fordelte 19,5 millionar kroner til 90 lokale radio- og tv-aktørar i fjor. Omkring halvparten av midlane gjekk til å digitalisere lokalradio. Støtteordninga skal bidra til å understøtte mangfaldet og styrke den demokratiske funksjonen i samfunnet til dei lokale lyd- og bildemedia.
I tillegg til den direkte støtta media får gjennom mediestøtteordningane som Medietilsynet forvaltar, får avisene kvart år indirekte støtte i form av momsfritak. I 2018 er den samla verdien av momsfritaket berekna til 2,2 milliardar kroner. Denne ordninga er plattformnøytral.
Frå 2019 utbetaler Medietilsynet dessutan kompensasjon til TV 2 i tråd med avtalen om kommersiell allmennkringkasting. Kompensasjonen er på inntil 135 millionar kroner årleg over fem år.
Medieforskarar og journalistar i etterutdanning får også støtte
Nesten fire millionar kroner blei fordelte til praktisk medieforsking i fjor. Resultata av forskinga skal kunne nyttast i mediekvardagen, og det blir særleg lagt vekt på forsking på tvers av media.
Medietilsynet gav også 7,4 millionar kroner i støtte til etterutdanning i fjor, der litt over fem millionar kroner gjekk til Institutt for journalistikk og 610 000 kronar gjekk til kurs- og seminarverksemd i Landslaget for lokalaviser (LLA). I tillegg administrerer Medietilsynet litt over to millionar kroner i tilskott til Norsk Mediebarometer som er ei undersøking om medievanane i befolkninga. Undersøkinga blir gjennomført av Statistisk sentralbyrå.
Mediestøtte fordelt av Medietilsynet
Støtteordning | 2018 (i millionar) | 2019 (i millionar) |
Kompensasjon til kommersiell allmennkringkastar | 135 000 | |
Produksjonstilskott | 313 000 | 318 000 |
Innovasjonsstøtte | 7 000 | 10 000 |
Tilskott til lokale radio- og tv-aktørar | 19 500 | 19 870 |
Tilskott til samiske aviser | 28 100 | 33 770 |
Distribusjonstilskott til avisene i Finnmark | 2 135 | 2 190 |
Medieforsking og etterutdanning | 11 330 | 11 780 |
Totalt | 381 065 | 530 610 |
Nøkkelord
Kontakter
Nina BjerkeRådgiver, avdeling for kommunikasjon, rådgivning og analyse
Tel:41934154nina.bjerke@medietilsynet.noBilder
Om Medietilsynet
Medietilsynet skal bidra til å realisere statens mediepolitiske mål. Våre hovedoppgaver er å fremme demokrati og ytringsfrihet gjennom mediemangfold og kritisk medieforståelse. Vi veileder om barn og unges bruk av digitale medier, setter aldersgrenser for kinofilm, forvalter støtteordninger, behandler søknader om og fordeler pressestøtte og fører tilsyn med kringkasting. Tilsynet er underlagt Kulturdepartementet.
Følg pressemeldinger fra Medietilsynet
Registrer deg med din e-postadresse under for å få de nyeste sakene fra Medietilsynet på e-post fortløpende. Du kan melde deg av når som helst.
Siste pressemeldinger fra Medietilsynet
Færre brudd på reklamereglene hos norske tv-kanaler16.4.2024 06:50:00 CEST | Pressemelding
Norske tv-kanaler er blitt flinkere til å følge reklameregler. Det viser Medietilsynets store vårkontroll med TV 2, NRK, TVNorge og VGTV.
16 nye aviser søker om produksjonstilskudd15.4.2024 06:50:00 CEST | Pressemelding
174 aviser har i år søkt om produksjonstilskudd til nyhets- og aktualitetsmedier. Blant de nye søkerne er det både lokalaviser og aviser med hele landet som nedslagsfelt.
Filmdistributør får åtvaring frå Medietilsynet for feil aldersgrense12.4.2024 11:13:15 CEST | Pressemelding
Medietilsynet meiner at kinofilmen «Døde menn går på ski» hadde for låg aldersgrense og gir distributøren ei åtvaring. Grensa er no endra frå 12 til 15 år.
Medietilsynet: Nødvendig med en strategi mot desinformasjon8.4.2024 13:14:18 CEST | Pressemelding
Kunstig skapt innhold, økt politisk konflikt og rask spredning av desinformasjon i sosiale medier aktualiserer behovet for en strategi mot desinformasjon, mener direktør Mari Velsand i Medietilsynet. I helgen varslet regjeringen at det skal utvikles en slik strategi.
Forbod mot reklame i radio og tv i påska21.3.2024 06:50:00 CET | Pressemelding
Radio- og tv-kanalane har ikkje lov til å sende vanleg reklame langfredag og 1. påskedag. Mange av kringkastarane vel å gi bort reklameplassen til ideelle organisasjonar denne dagen.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom